డంపింగ్యార్డ్లో అగ్ని ప్రమాదం.. భయాందోళనలో స్థానికులు
భద్రాచలం గోదావరి కరకట్ట పక్కన ఏర్పాటు చేసిన డంపింగ్ యార్డ్లో అగ్నిప్రమాదం చోటుచేసుకుంది. ఒక్కసారిగా ఎగిపడ్డ మంటలతో ప్రజలు భయభ్రాంతులకు గురయ్యారు.
భద్రాచలంలోని డంపింగ్ యార్డ్లో అగ్ని ప్రమాదం
తెలంగాణలోని భద్రాద్రి కొత్తగూడెం జిల్లా భద్రాచలంలోని గోదావరి కరకట్ట పక్కన ఏర్పాటు చేసిన డంపింగ్ యార్డ్లో అగ్నిప్రమాదం సంభవించింది. పెద్ద ఎత్తున మంటలు చెలరేగడం వల్ల పక్కనే ఉన్న కాలనీలోని ప్రజలు బయటకు పరుగులు తీశారు. సమాచారం అందుకున్న అగ్నిమాపక సిబ్బంది మంటలను అదుపులోకి తెచ్చారు. జనావాసాలకు దగ్గరగా ఉన్న డంపింగ్ యార్డ్ను తొలగించాలని స్థానికులు డిమాండ్ చేస్తున్నారు.