ఇటలీ నుంచి నెల్లూరు వచ్చిన యువకుడికి వైరస్‌ నిర్థరణ
రాష్ట్రంలో కరోనా వైరస్‌ తొలి పాజిటివ్ కేసు నమోదైంది. గత నెల 24న ఇటలీ నుంచి నెల్లూరుకు వచ్చిన యువకుడికి... కరోనా ఉన్నట్లు నిర్థరించారు. అతని రక్తనమూనాలను పరీక్షల నిమిత్తం 3రోజుల కిందట తిరుపతి స్విమ్స్‌ వైద్యశాలకు పంపారు. ఆ నివేదికలో ప్రిజిమ్యూడ్‌ పాజిటివ్ అని వచ్చింది.
పూర్తిస్థాయి నిర్ధరణ కోసం పుణెలోని నేషనల్‌ ఇనిస్టిట్యూట్ ఆఫ్‌ వైరాలజీ విభాగానికి పంపారు. ఆ నివేదికలోనూ యువకుడికి వైరస్‌ ఉన్నట్లు నిర్ధరించారు. బాధితుడిని ఐసోలేషన్‌ వార్డులో ఉంచి చికిత్స అందిస్తున్నట్లు నెల్లూరు జిల్లా కలెక్టర్‌ చెప్పారు. ప్రజలు ఆందోళన చెందాల్సిన పనిలేదని పేర్కొన్నారు. కువైట్‌ నుంచి నెల్లూరుకు వచ్చిన మరో మహిళకు వైరస్‌ లేదని తేలింది.