రాష్ట్ర బాలల హక్కుల రక్షణ కమిషన్కు ఛైర్ పర్సన్ , సభ్యులను నియమించకపోవడాన్ని సవాలు చేస్తూ దాఖలైన ప్రజాహిత వ్యాజ్యంపై హైకోర్టు స్పందించింది. ఈ వ్యవహారానికి సంబంధించి పూర్తి వివరాలను అఫిడవిట్ రూపంలో దాఖలు చేయాలని ప్రభుత్వ ప్రధాన కార్యదర్శి , మహిళ, శిశుసంక్షేమ శాఖ ముఖ్యకార్యదర్శి , మహళాభివృద్ధి , శిశుసంక్షేమ డైరెక్టర్కు నోటీసులు జారీచేసింది. అనంతంరం విచారణను ఈనెల 21కి వాయిదా వేసింది.హైకోర్టు ప్రధాన న్యాయమూర్తి జస్టిన్ ప్రశాంత్ కుమార్ మిశ్ర , జస్టిస్ ఎం.సత్యనారాయణమూర్తితో కూడిన ధర్మాసనం ఈ మేరకు ఆదేశాలు జారీచేసింది.
బాలల హక్కుల రక్షణ కమిషన్ సభ్యులను నియమించకపోవటంపై పలువురికి నోటీసులు
రాష్ట్ర బాలల హక్కుల రక్షణ కమిషన్కు సభ్యులను నియమించకపోవటంపై ధాఖలైన పిటిషన్పై హైకోర్టు స్పందించింది. పూర్తి వివరాలను అఫిడవిట్ రూపంలో దాఖలు చేయాలని ప్రభుత్వ ప్రధాన కార్యదర్శితో సహా పలువురి నోటీసులు జారీ చేసింది. అనంతంరం విచారణను ఈనెల 21కి వాయిదా వేసింది.
HC
బాలల హక్కుల కమిషన్ పూర్వ ఛైర్ పర్సన్ , సభ్యుల కాలపరిమితి పూర్తయి 18 నెలలు గడుస్తున్నా కొత్త వారిని నియమించడం లేదని పేర్కొంటూ విశాఖపట్టణానికి చెందిన న్యాయవాది బి.ప్రవీణ హైకోర్టులో ప్రజాహిత వ్యాజ్యం వేశారు. న్యాయవాది తాండవ యోగేష్ వాదనలు వినిపిస్తూ సభ్యుల , చైర్ పర్సన్ నియామకానికి మహిళాభివృద్ధి , శిశు సంక్షేమ శాఖ డైరెక్టర్ దరఖాస్తులను ఆహ్వానించారన్నారు. ప్రభుత్వం 2021 ఏప్రిల్ 7 న జీవో 55 జారీచేస్తూ ముగ్గురు సభ్యులతో ఎంపిక కమిటీని నియమించిందన్నారు. తగిన వ్యక్తులను నియమించే నిమిత్తం ఇంటర్వ్యూలు నిర్వహించారన్నారు. గతేడాది సెప్టెంబర్ 15 తో ఆ ప్రక్రియ పూర్తయిందన్నారు. నియామకానికి సంబంధించిన ప్రక్రియ అంతా పూర్తి అయినా ఇప్పటి వరకు ఎందుకు నియమించలేదో అధికారులకే తెలియాలన్నారు. ప్రభుత్వం తరఫున ఏజీ ఎస్.శ్రీరామ్ స్పందిస్తూ ప్రక్రియలో ఉందన్నారు. పూర్తి వివరాలు సమర్పించేందుకు సమయం కోరారు. ఆ వివరాలను పరిగణనలోకి తీసుకున్న ధర్మాసనం .. ప్రతివాదులకు నోటీసులు జారీచేసింది.
ఇదీ చదవండి:high court : 'సాక్షులను బెదిరించినట్లు ఆధారాలుంటే కోర్టు ముందు ఉంచండి'