ఏపీపీఎస్సీ(APPSC) గ్రూప్- 1 మెయిన్స్ పరీక్ష పేపర్ డిజిటల్ వాల్యుయేషన్ ఫలితాలపై అభ్యర్థులకు పలు అనుమానాలున్నాయని తెలుగు యువత రాష్ట్ర అధ్యక్షులు శ్రీరామ్ చినబాబు విమర్శించారు. ఈ మేరకు సీఎం జగన్‌, ఏపీపీఎస్సీ(APPSC) ఛైర్మన్‌ భాస్కర్‌లకు లేఖలు రాశారు. ఎలాంటి ముందస్తు అధ్యయనం లేకుండా డిజిటల్ వాల్యుయేషన్ని ఎంచుకోవటం అనేక విమర్శలకు తావిస్తోందన్నారు.
యూపీఎస్సీ పరీక్షల్లో అర్హత సాధించిన అభ్యర్థులు సైతం గ్రూప్-1 మెయిన్స్ పరీక్షలో అర్హత సాధించలేకపోవడం అనేక అనుమానాలు కలిగిస్తోందన్నారు. అభ్యర్థుల్లో నెలకొన్న సందేహాలను నివృత్తి చెయ్యాలని డిమాండ్‌ చేశారు. మాన్యువల్ వేల్యూష‌న్ చేయ‌డం కోసం రూపొందించిన జవాబు పత్రాలను డిజిటల్ పద్దతిలో చేయటం వల్ల అర్హులైన వారు నష్టపోయారని పేర్కొన్నారు.