ఎవరినీ అడగకుండానే జీఎన్రావు, బీసీజీ కమిటీలు వేశారని తెదేపా నేత బొండా ఉమ మండిపడ్డారు. కమిటీ 6 రోజుల్లోనే రాష్ట్రమంతా తిరిగిందా? అని ప్రశ్నించారు. జీఎన్రావు కమిటీ అందరినీ కలిశామని చెప్పడం అబద్ధం అని అన్నారు. తాడేపల్లిలో సిద్ధమైన పత్రాలపై కమిటీ సంతకాలు చేసిందన్నారు. చివరకు ఆ కమిటీ కూడా విశాఖకు దూరంగా రాజధాని పెట్టాలని సిఫారసు చేశారని ఆయన అన్నారు. ఈ కమిటీ నివేదిక విశాఖ బ్రాండ్‌ ఇమేజ్‌ దెబ్బతీసేలా ఉందని, ఆ నివేదిక చూశాక అక్కడ ఎవరైనా రూపాయి పెట్టుబడి పెడతారా అంటూ ప్రశ్నించారు. అసలు జీఎన్రావు కమిటీకి ఉన్న అర్హతలేంటని ప్రశ్నించారు. కేవలం వైకాపా నేతల రాజకీయ స్వార్థంకోసమే ఆ కమిటీనిఏర్పాటుచేశారని విమర్శించారు. విశాఖ నగరంలో కొన్ని బృందాలు భూ కబ్జాల కోసం తిరుగుతున్నాయని ఆరోపించారు. కేవలం అమరావతిని కనుమరుగు చేయడమే లక్ష్యంగా వైకాపా ప్రభుత్వం ప్రయత్నిస్తోందని ఆయన విమర్శించారు.
'జీఎన్రావు కమిటీ అందరినీ కలిశామని చెప్పడం అబద్ధం'
రాష్రంలోని అన్ని ప్రాంతాలను పరిశీలించిన శివరామకృష్ణన్‌ కమిటీ.. విశాఖ రాజధానికి అనుకూలంగా లేదని చెప్పిందని తెదేపా నేత బొండా ఉమ తెలిపారు. విశాఖ మెట్రోపాలిటన్ రీజియన్ పరిధిలో రాజధాని వద్దని ఆ కమిటీ సూచించిందని ఆయన పేర్కొన్నారు.
tdp leader bonda uma
'జీఎన్రావు కమిటీ అందరినీ కలిశామని చెప్పడం అబద్ధం'