రాజధానిపై తెదేపా అఖిలపక్ష భేటీ... ఏర్పాట్లు పరిశీలించిన నేతలు

రాజధాని అమరావతిపై ఎల్లుండి తెదేపా అధినేత చంద్రబాబు అధ్యక్షతన రౌండ్ టేబుల్ సమావేశం జరగనుంది. ఇందుకు వైకాపా మినహా అన్ని రాజకీయ పక్షాలను పిలవనున్నారు.

రాజధాని అమరావతిపై ఎల్లుండి చంద్రబాబు అధ్యక్షతన రౌండ్ టేబుల్ సమావేశం నిర్వహించనున్నారు. ఇందుకోసం విజయవాడ ఏ కన్వెన్షన్​లో జరుగుతున్న ఏర్పాట్లను తెదేపా నేతలు పరిశీలించారు. పార్టీలు, సంఘాలు, మేధావులను భేటీకి ఆహ్వానించామని పార్టీ రాష్ట్ర అధ్యక్షుడు కళా వెంకట్రావు తెలిపారు. భాజపా, వామపక్షాలు, కాంగ్రెస్, జనసేన, లోక్‌సత్తా నేతలతో మాట్లాడామని అచ్చెన్నాయుడు వెల్లడించారు. రాజధానిపై పూర్తి డాక్యుమెంట్స్​ను సమావేశంలో చూపిస్తామని నేతలు తెలిపారు.