ఇకపై షర్మిల ప్రతి అడుగు తెలంగాణ కోసమే: విజయమ్మ

అభివృద్ధి, సంక్షేమం రెండు కళ్లుగా దివంగత ముఖ్యమత్రి వైఎస్​ రాజశేఖర రెడ్డి పాలన సాగిందని వైఎస్​ఆర్​ సతీమణి విజయమ్మ అన్నారు. ఆయన చూపిన బాటలోనే షర్మిల రాజకీయ ప్రయాణం సాగుతోందని పేర్కొన్నారు.

తన రాజకీయ భవిష్యత్ తెలంగాణతోనే ముడిపడి ఉందని షర్మిల నమ్ముతోందని వైఎస్​ విజయమ్మ అన్నారు. ఖమ్మంలో జరుగుతున్న సంకల్పసభలో ఆమె ప్రసంగించారు. తెలంగాణ రాజకీయాల్లోకి షర్మిల ప్రవేశం నిర్ణయాన్ని తాను సమర్థిస్తున్నట్లు వెల్లడించారు. షర్మిల ఇక తనబిడ్డ కాదని.. తెలంగాణ బిడ్డ అని విజయమ్మ పేర్కొన్నారు.

సమన్యాయం.. సంక్షేమం

నీతివంతమైన రాజకీయాలతో షర్మిల.. రాష్ట్ర ప్రజలందరికీ సమన్యాయం, ఇంటింటికీ సంక్షేమం అందిస్తుందని తాను విశ్వసిస్తున్నట్లు పేర్కొన్నారు. ఆమె వేసే ప్రతి అడుగు, ప్రతి పని తెలంగాణ కోసమేనని అన్నారు. తెలంగాణ ప్రజలంతా షర్మిలను ఆశీర్వదించాలని విజయమ్మ విజ్ఞప్తి చేశారు.