ఆంధ్రప్రదేశ్‌లో ఆర్టీసీ బస్సు ఛార్జీల పెంపునకు ముహూర్తం ఖరారైంది. సంస్థ నష్టాలను భర్తీ చేసేందుకు ఛార్జీలనుపెంచుతున్నట్లు ఇటీవల ప్రకటించిన ప్రభుత్వం... దానిని బుధవారం నుంచి అమల్లోకి తీసుకురావాలని నిర్ణయించింది. ఛార్జీల పెంపుపై ఆర్టీసీ ఎండీ కృష్ణబాబు పంపిన దస్త్రానికి ముఖ్యమంత్రి వైఎస్ జగన్ ఇవాళ ఆమోద ముద్ర వేశారు. అనంతరం ఛార్జీల పెంపు నిర్ణయాన్నిఅధికారులు ప్రకటించారు. గ్రామీణ ప్రాంతాల్లో తిరిగే పల్లె వెలుగు బస్సుల్లో కిలోమీటర్కు 10 పైసలు చొప్పున ఛార్జీలు పెంచారు.ఈబస్సుల్లో తొలి రెండు స్టేజీలు లేదా పది కిలోమీటర్ల వరకు ఛార్జీలను పెంచలేదు. ఆ తర్వాత 75 కిలోమీటర్ల వరకు 5 రూపాయలు పెంచారు. దూర ప్రాంత ప్రయాణికులపై ఆర్టీసీ ఛార్జీల మోత మోగించింది. నాన్ ఏసీ కేటగిరీలోనిఎక్స్ప్రెస్, అల్ట్రా డీలక్స్, సూపర్ లగ్జరీ బస్సుల్లో కిలోమీటర్కు 20 పైసల చొప్పున పెంచుతున్నట్లు ఆర్టీసీ ప్రకటించింది. ఏసీ కేటగిరీ వెన్నెల స్లీపర్ బస్సుల్లో మాత్రం ఛార్జీలు పెంచలేదు. ఇంద్ర, గరుడ, అమరావతి బస్సుల్లో కిలోమీటర్కు పది పైసలు చొప్పున ఛార్జీలు పెంచారు.సిటీ, ఆర్డినరీ బస్సుల్లోమొదటి 11 స్టేజీలు అంటే 22 కిలోమీటర్ల వరకు ఛార్జీలు పెంచడం లేదని ఆర్టీసీ తెలిపింది. అనంతరం కిలోమీటర్కు 10 పైసల చొప్పున ఛార్జీ పెంచి వసూలు చేయనున్నారు.
తప్పని పరిస్థితుల్లోనే..