Students Reached Hyderabad : ఉక్రెయిన్​ నుంచి హైదరాబాద్​ చేరుకున్న విద్యార్థులు

Students Reached Hyderabad : ఉక్రెయిన్​ నుంచి శనివారం రాత్రి ముంబయి వచ్చిన 15 మంది రాష్ట్ర విద్యార్థులు హైదరాబాద్​ చేరుకున్నారు. సాయంత్రానికి మరికొంత మంది విద్యార్థులు చేరుకునే అవకాశం ఉంది.

Students Reached Hyderabad : ఉక్రెయిన్‌ నుంచి రాష్ట్రానికి చెందిన 15 మంది విద్యార్థులు శంషాబాద్‌ విమానాశ్రయానికి చేరుకున్నారు. యుద్ధ నేపథ్యంలో ఉక్రెయిన్‌ నుంచి ప్రత్యేక విమానంలో శనివారం రాత్రి ముంబయి చేరుకున్నారు. అక్కడి నుంచి ఉదయం హైదరాబాద్‌కు వచ్చారు. యుద్ధం జరుగుతుండటంతో భయపడ్డామని.. భారత ఎంబసీ వారి సహకారంతో క్షేమంగా చేరుకున్నామని వెల్లడించారు. యువతులు క్షేమంగా రావటంతో తల్లిదండ్రులు భావోద్వేగానికి లోనయ్యారు. బుకారెస్ట్‌ నుంచి మరో 17 మంది దిల్లీకి చేరుకున్నారు. సాయంత్రానికి మరికొంతమంది వచ్చే అవకాశం ఉంది.

నిన్న రాత్రి 11 గంటలకు ముంబయి చేరుకున్నాం. భారత ఎంబసీ వారి సాయంతో క్షేమంగా చేరుకోగలిగాం. ఇంకా కొంతమంది ఉక్రెయిన్‌ బంకర్లలో ఉన్నారు. ఉక్రెయిన్‌ సరిహద్దు వరకు బస్సుల్లో చేరుకున్నాం. మమ్మల్ని తీసుకురావడంలో రెండు రాష్ట్రాల ప్రభుత్వాలు కూడా చాలా సాయం చేశాయి. క్షేమంగా తిరిగి వచ్చినందుకు సంతోషంగా ఉంది. - ఉక్రెయిన్​ నుంచి వచ్చిన విద్యార్థులు

ఇదీ చూడండి :మారుతున్న యుద్ధరీతి- పట్టణాల్లో పౌరుల గెరిల్లా పోరు!