TRIPURA EX CM: తెలుగుదేశం పార్టీని స్థాపించిన అనతి కాలంలోనే నాడు ఉమ్మడి ఆంధ్రప్రదేశ్‌లో అధికారంలోకి వచ్చి చరిత్ర సృష్టించిన ఎన్టీఆర్ అసలైన హీరో అనీ, ఆయన దేవుడని భాజపా సీనియర్‌ నేత, త్రిపుర మాజీ ముఖ్యమంత్రి బిప్లవ్దేవ్ వ్యాఖ్యానించారు. అంతక్రితం దాకా శాసనసభలో ప్రాతినిధ్యమే లేని స్థితి నుంచి ప్రజాబలంతో ఒక్కసారిగా ముఖ్యమంత్రి పదవిని అధిష్ఠించారని అన్నారు. అలాగే త్రిపురలో కూడా కమ్యూనిస్టుల కంచు కోటను బద్దలుకొట్టి భాజపా రాజకీయ ప్రభంజనం సృష్టించిందని చెప్పారు. రానున్న రోజుల్లో తెలంగాణలోనూ తమ పార్టీ అధికారంలోకి వస్తుందని ధీమా వ్యక్తం చేశారు. పార్టీ జిల్లా అధ్యక్షుడు పాయల్‌ శంకర్‌ అధ్యక్షతన జరిగిన ఆదిలాబాద్‌ నియోజకవర్గ క్రియాశీలక కార్యకర్తల సమావేశంలో పాల్గొన్నారు. మీడియాతోనూ మాట్లాడారు. బోధ్‌లో ప్రకాశ్‌జావడేకర్‌, ఆసిఫాబాద్‌లో డయ్యూడామన్‌ అధ్యక్షుడు దీపేష్‌ తండల్‌, కాగజ్‌నగర్‌లో మణిపూర్‌ అధ్యక్షులు శారదాదేవీ, ముథోల్‌లో మాజీ మంత్రి రాజవర్థన్‌ సింగ్‌ పాల్గొన్నారు.
TRIPURA EX CM: ఎన్టీఆర్ నిజమైన హీరో.. దేవుడు: త్రిపుర మాజీ సీఎం
TRIPURA EX CM: తెదేపాని స్థాపించిన అనతి కాలంలోనే అధికారంలోకి వచ్చి చరిత్ర సృష్టించిన ఎన్టీఆర్ నిజమైన హీరో అని త్రిపుర మాజీ సీఎం బిప్లవ్దేవ్ వ్యాఖ్యానించారు. అంతవరకు శాసనసభలో ప్రాతినిధ్యం లేని స్థితి నుంచి ఒక్కసారిగా ముఖ్యమంత్రి పదవిని అధిష్ఠించారని అన్నారు.
TRIPURA EX CM
Last Updated : Jul 1, 2022, 12:57 PM IST