పరిపాలనా తీరు ఇదేనా?

ఐఆర్ఎస్ అధికారి జాస్తి కృష్ణకిషోర్ సస్పెన్షన్​ విషయంలో రాష్ట్ర ప్రభుత్వ తీరుపై క్యాట్ ఆగ్రహం వ్యక్తం చేసింది.

ఏపీ ప్రభుత్వం తనను సస్పెండ్ చేయటాన్ని సవాల్ చేస్తూ... కృష్ణకిషోర్ దాఖలు చేసిన పిటిషన్​పై ఇవాళ మరోసారి విచారణ జరిగింది. ఐఆర్ఎస్ అధికారి సస్పెండ్​పై ప్రభుత్వం కౌంటర్ దాఖలు చేసింది. జాస్తి కృష్ణకిషోర్ సస్పెన్షన్​ విషయంలో ఆంధ్రప్రదేశ్ ప్రభుత్వ తీరుపై కేంద్ర పరిపాలన ట్రైబ్యునల్ ఆగ్రహం వ్యక్తం చేసింది. కేంద్ర సర్వీసులకు తిరిగి వెళ్తానన్న అధికారిపై ఎందుకు సస్పెన్షన్ విధించారని ప్రశ్నించింది. ఉద్దేశపూర్వకంగానే కృష్ణకిషోర్​కు హాని కలిగించేలా వ్యవహరిస్తున్నారని క్యాట్ వ్యాఖ్యానించంది. కృష్ణకిషోర్​పై పలు ఆరోపణలు ఉన్నందునే సస్పెండ్ చేసినట్లు ప్రతివాదిగా ఉన్న ప్రభుత్వం వాదించింది. డిప్యూటేషన్ పూర్తయ్యేవరకూ వెనక్కి వెళ్లడానికి వీల్లేదని ప్రభుత్వం వాదనలు వినిపించింది.

ఇదీ చదవండి: 'ఈ పాలన మాకొద్దు.. మా జిల్లాలు తెలంగాణలో కలపండి'