కార్మికుడి మృతిపై నిరసన.. నిలిచిన పోలవరం స్పిల్‌వే పనులు

పోలవరం ప్రాజెక్టు వద్ద ప్రమాదవశాత్తు జారిపడి గల్లంతైన కార్మికుడి మృతదేహం లభ్యమైంది. కార్మికుని మృతికి నిరసనగా ప్రాజెక్టు వద్ద కార్మికులు ఆగ్రహంతో విధ్వంసం సృష్టించారు. రెండు వాహనాలను ధ్వంసం చేశారు. కార్మికులు విధులకు హాజరు కాలేదు. ప్రస్తుతం పోలవరం వద్ద పనులను నిలిపి వేశారు.

కార్మికులు విధులకు రాకపోవడం వల్ల పోలవరం ప్రాజెక్టు వద్ద పనులు తాత్కాలికంగా నిలిచిపోయాయి. రాత్రి స్పిల్ వే వద్ద పని చేస్తూ బిహార్ కు చెందిన మహమ్మద్ అనే కార్మికుడు ప్రమాదవశాత్తు జారి పడి మృతి చెందాడు.

ఈ ఘటనకు నిరసనగా ప్రాజెక్టు వద్ద కార్మికులు విధ్వంసం సృష్టించారు. రెండు వాహనాలను పూర్తిగా ధ్వంసం చేశారు. పోలీసులు ఘటనా స్థలికి చేరుకుని వారిని శాంతింపజేశారు. ప్రస్తుతం ప్రాజెక్టు వద్ద పనులను అధికారులు నిలిపివేశారు. మృతదేహాన్ని పోలీసులు పోస్టుమార్టానికి పంపారు.

ఇదీ చదవండి: