మోదీ ప్రసంగం - అబద్ధాల దుకాణం: కాంగ్రెస్​

పార్లమెంటులో రాష్ట్రపతి ప్రసంగానికి ధన్యవాద తీర్మానంపై చర్చ సందర్భంగా ప్రధాని నరేంద్ర మోదీ చేసిన వ్యాఖ్యలపై కాంగ్రెస్​ పార్టీ విమర్శలు చేసింది.

పార్లమెంటులో ప్రధాని నరేంద్ర మోదీ ప్రసంగం ఓ అబద్ధాల దుకాణమని కాంగ్రెస్​ విమర్శించింది. మోదీ ప్రసంగాలలో మాటల్లో తప్పుడు, కల్పిత కథలే దర్శనమిచ్చాయని కాంగ్రెస్​ పార్టీ అధికార ప్రతినిధి రణ్​దీప్ సుర్జేవాలా ఎద్దేవా చేశారు. రఫేల్​లో అక్రమాలు, సరిహద్దులో సైనికుల మృతికి కారణమైన మోదీకి జాతీయ భద్రతపై మాట్లాడే హక్కు లేదని దుయ్యబట్టారు.

"సభలో ఎప్పటిలాగే మోదీ సుదీర్ఘ ప్రసంగం చేశారు. మాట్లాడటం మినహా ఈ ఐదేళ్లలో ఆయన చేసిందేమీ లేదు. ఆయన ప్రధానమంత్రి కాదు. అసత్యాల ప్రచార మంత్రి. 70 ఏళ్లలో భారత్​కు దొరికిన మొదటి ప్రచార మంత్రి మోదీనే. ప్రధానిని పనికిరాని కరెన్సీగా ప్రజలు పక్కన పెట్టారు. మోదీవన్నీ తప్పుడు, కల్పిత కథలే. ఆయనదొక అబద్దాల దుకాణం. ఎన్నికలకు 60 రోజులు కూడా లేవు. ఇప్పటికైనా ఆయన నిజాలు మాట్లాడితే ప్రజలు క్షమిస్తారు. "
- రణ్​దీప్ సుర్జేవాలా, కాంగ్రెస్ అధికార ప్రతినిధి