బాగా పనిచేశాం.. గవర్నర్ మెచ్చుకున్నారు!

రాష్ట్ర ఎన్నికల ప్రధానాధికారి గోపాలకృష్ణ ద్వివేది.. గవర్నర్ నరసింహన్​ను హైదరాబాద్​లో కలిశారు. శాసనసభ ఎన్నికల్లో గెలిచిన 175 మంది అభ్యర్థుల జాబితాతో గజిట్ నోటిఫికేషన్ అందించారు.

రాష్ట్రంలో ఎన్నికల నిర్వహణలో బాగా పని చేశామన్నారు.. ఎన్నికల ప్రధానాధికారి గోపాలకృష్ణ ద్వివేది. హైదరాబాద్​లో గవర్నర్ నరహింహన్​ను కలిసిన ఆయన.. ఎన్నికల్లో గెలిచిన అభ్యర్థుల జాబితాతో.. గజిట్ నోటిఫికేషన్​ను ఇచ్చినట్టు చెప్పారు. కొత్త ప్రభుత్వ ఏర్పాటుకు సంబంధించి.. మిగతా చర్యలు గవర్నర్ చూసుకుంటారన్నారు. ఎన్నికల నిర్వహణలో బాగా పని చేశారంటూ.. తమను గవర్నర్ అభినందించారని తెలిపారు.