ప్రైవేటు విద్యాసంస్థలో చదివే విద్యార్థులకు అమ్మ ఒడి పథకాన్ని అమలు చేసే విషయమై త్వరలో ముఖ్యమంత్రి ఓ నిర్ణయం తీసుకుంటారని విద్యాశాఖ మంత్రి ఆదిమూలపు సురేష్ అన్నారు. ప్రస్తుతానికి ప్రభుత్వ పాఠశాల చదివే విద్యార్థులకు అమ్మఒడి పథకం వర్తింపజేస్తామన్నారు. ప్రైవేటు విద్యాసంస్థలకు విషయమై ప్రభుత్వం అధ్యయనం చేస్తోందన్నారు. ఈ పథకాన్ని ప్రైవేటు విద్యాసంస్థలకు అమలు చేయాలని వినతులు వస్తోన్నాయని మంత్రి తెలిపారు.
ప్రైవేటు పాఠశాలలో అమ్మఒడి పథకం అమలకు అధ్యయనం : మంత్రి సురేష్
విద్యాశాఖ అధికారులు సహా విశ్వవిద్యాలయాల ఉపకులపతులు ఈ అంశంపై సచివాలయంలో సమీక్షలు నిర్వహించారు. ప్రభుత్వ పాఠశాలల స్థితిగతులను మార్చి ప్రైవేటుకు దీటుగా నాణ్యమైన విద్యను అందించడమే తమ లక్ష్యమన్నారు. విద్యాశాఖలో పలు విభాగాల్లోని ఇంజినీరింగ్ అధికారుల మధ్య సమన్వయ లోపం వల్ల పనులు నత్తనడకన సాగుతున్నాయని.....అందరినీ ఏకతాటిపైకి తెస్తున్నట్లు తెలిపారు.