ప్రైవేటు పాఠశాలలకు అమ్మఒడి అమలు చేయండి

ప్రభుత్వ పాఠశాలలకు అమలు చేయబోతున్న అమ్మఒడి పథకాన్ని ప్రైవేటు విద్యాసంస్థలకు వర్తింపజేయాలని ఏపీపీఎస్​ఏ ప్రతినిధులు కోరారు. ప్రైవేటు విద్యాసంస్థలలో పనిచేసే లక్షల మంది ఉపాధ్యాయులు కుటుంబాలను ప్రభావితం చేసే ఈ కీలక అంశంపై  ప్రభుత్వం పునరాలోచించాలన్నారు.

ముఖ్యమంత్రి జగన్​ మోహన్ రెడ్డి మానసపుత్రిక అమ్మ ఒడి పథకాన్ని ప్రైవేట్ పాఠశాలలకు వర్తింపజేయాలని ఆంధ్రప్రదేశ్ ప్రైవేట్ స్కూల్స్ అసోసియేషన్(ఏపీపీఎస్​ఏ) నాయకులు కోరారు. ఆరోగ్యశ్రీ, ఫీజు రీయింబర్స్​మెంట్ పథకాల వలే అమ్మ ఒడి పథకాన్ని ప్రైవేట్ పాఠశాలల విద్యార్థుల తల్లులకు వర్తింపజేయాలని కోరారు. ప్రభుత్వ పాఠశాలలకు మాత్రమే అమ్మ ఒడి వర్తింపజేస్తే లక్షలాది ప్రైవేట్ పాఠశాలల ఉపాధ్యాయుల కుటుంబాలు రోడ్డున పడతాయని ఆవేదన వ్యక్తం చేశారు. రాష్ట్రంలో 50 శాతం విద్యార్థులు ప్రైవేటు పాఠశాలల్లో చదువుతున్నారన్నారు. పేద, మధ్య తరగతి వారు తమ పిల్లలను ఎక్కువగా ప్రైవేట్ పాఠశాలలకు పంపుతున్నారని అన్నారు. ప్రభుత్వం ఈ విషయాన్ని పరిశీలించేందుకు ఒక కమిటీని వేసి ప్రైవేట్ పాఠశాలలకు అమ్మఒడి అమలు చేయాలని కోరారు.

ఇదీ చదవండి :సెల్​ఫోన్​ మోజులో పడి లక్ష్యాలు మర్చిపోవద్దు: ఏఎస్పీ సరిత