அன்னையரை போற்றி சிலம்பம் சுற்றிய வீரர்கள்!

கோவை மாவட்டம், சூலூரில் VVMS (தனியார்) சிலம்பு பயிற்சி மையத்தின் சார்பில் இன்று(மே.08) அன்னையர் தினம் கொண்டாடப்பட்டது. இதில் அப்பயிற்சி மையத்தில் சிலம்பம் பயிலும் குழந்தைகள் கேக் வெட்டி, தங்களது பெற்றோருக்கு ஊட்டி மகிழ்ந்தனர். மேலும் 4 வயது முதல் 16 வயது வரையிலான 30 குழந்தைகள் தாய்மார்கள் முன்னிலையில் சிலம்பம் சுழற்றிக்காட்டி அசத்தினர். அதில் இருவர் கண்களை கட்டிக்கொண்டு சிலம்பம் சுற்றியது காண்போரை சிலிர்க்க செய்தது. இதில் சில மாணவிகள் பாரம்பரிய உடை அணிந்துவந்து சிலம்பம் சுழற்றி அசத்தினர். இந்த சிலம்ப கலையை அடுத்த தலைமுறையினருக்கு கொண்டு சேர்க்க அரசு முன்வர வேண்டும் என்ற கோரிக்கையை பயிற்சியாளர் விஜயகுமார் மற்றும் சிலம்ப மாணவர்களின் பெற்றோர் முன்வைத்தனர்.