'நம்ம ரசிக்கிறோம்... அவர்கள் அனுபவிக்கின்றனர்' - இயக்குநர் மிஷ்கின்

உதயநிதி ஸ்டாலின் நடிப்பில் மிஷ்கின் இயக்கத்தில் வெளியான படம் 'சைக்கோ'. இப்படத்தில் உதயநிதி கண் பார்வையற்றவராக நடித்துள்ளார். வெள்ளிக்கிழமை வெளியான இப்படம் ரசிகர்கள் மத்தியில் வரவேற்பைப்பெற்று வருகிறது. இந்நிலையில் இப்படத்தை கண் பார்வையற்றவர்கள் ரசிக்கும் விதமாக சிறப்பு காட்சிக்கு ஏற்பாடு செய்யப்பட்டிருந்தது. இதில் படத்தின் இயக்குநர் மிஷ்கின் கலந்து கொண்டார். படம் குறித்து மிஷ்கின் கூறுகையில், 'சைக்கோ படத்தை ரசிகர்கள் ரசிக்கின்றனர். இவர்கள் இப்படத்தை அனுபவிக்கின்றனர்' என்றார்.