உலகத்தில் பல விதமான வியாதிகளை போக்கும் விதமாக, பல்வேறு தெரப்பிகள் கண்டுபிடிக்கப்பட்டுள்ளது. அதில் தற்போது புதிதாக பேசப்பட்டு வருவது கலர் தெரப்பி. இதனை குரோமா தெரபி என்றும் அழைப்பர்.
இந்த கலர் தெரபியைக் கொண்டு, சில பிரச்னைகளை தீர்க்க முடியும். முக்கியமாக இவை, கண்களின் உதவிகளோடு நடக்கும் தெரப்பி. இந்த தெரப்பி செய்யும் போது கண்களுக்கு எந்த பிரச்னையும் ஏற்படாது என மருத்துவர்கள் கூறுகின்றார்.
கலர் தெரப்பியின் நன்மைகள்...
பண்டைய எகிப்திய காலத்திலிருந்தே உடல்நலம் மற்றும் ஆரோக்கியத்திற்காக கலர் தெரப்பி பயன்படுத்தப்படுவதாக கூறப்படுகிறது. ஒளியானது கண்கள் மற்றும் மூளையால் உள்வாங்கப்பட்டு, வண்ணங்களாக உணரப்படும்.
இதுகுறித்து, ஆரோக்கிய நிறுவனத்தின் நிறுவனர் நக்ஷி சத்ரா கூறியதாவது, “ மூவாயிரத்திற்கும் மேலான வாடிக்கையாளர்களுடனான எனது அனுபவங்களின் அடிப்படையில், மனிதனின் கண்களும் மூளையும் ஒவ்வொரு நபருக்கும் வெவ்வேறு விதத்தில் நினைவுகள், உணர்வுகள் மற்றும் உணர்ச்சிகளைத் தூண்டுகின்றன.
இந்த தூண்டுதல்கள் நம் மனதில் பின்னோக்கி பயணிக்கும்போது, அவை முக்கியமானவற்றை கடந்து நம் ஆழ்மனதில் ஆழமான நினைவுகள் அனைத்தும் சேமிக்கப்படுகின்றன.
அகநிலை மற்றும் தனிப்பட்ட வண்ணங்கள் குறித்த நமது உணர்வை இது வரையறுக்கிறது. சில வண்ணங்கள் பாதுகாப்பு மற்றும் முன்னெச்சரிக்கையின் துணை நினைவகத்தைக் கொண்டுள்ளன. சிலருக்கு கசப்பான நினைவாற்றல் இருக்கலாம். இதை நன்கு புரிந்துகொள்ள சில உதாரணங்கள் உள்ளன.
நிறங்களும், தன்மைகளும்
நிறைய வாடிக்கையாளர்கள் கருப்பு மற்றும் வெள்ளை டோன்களை விரும்புகிறார்கள். இந்த வண்ணங்களை தங்கள் ஆளுமையுடன் தொடர்புபடுத்துகிறார்கள். கருப்பு மற்றும் வெள்ளை நிறம், சக்தி, சுதந்திரம் மற்றும் பாதுகாப்பு போன்ற உணர்வுகளை வெளிப்படுத்தும்.
சிவப்பு போன்ற நிறங்கள், வலுவான மனநிலையை உருவாக்கி, தனித்து நிற்கின்றன.
நீல நிறமானது அமைதியான மற்றும் இனிமையான விளைவை கொண்டிருக்கிறது. இவை கவனத்தை அதிகரிக்க உதவும்.
பச்சை மற்றும் வெளிர் நிற நிழல்கள் பெரும்பாலும் இயற்கை, தாவரங்கள் மற்றும் விலங்கினங்களுடன் தொடர்புடையவை.
எதிர்மறையும் உண்டு...!
வண்ணங்கள் சில எதிர்மறையான தொடர்புகளையும் கொண்டுள்ளன. மேலும் இந்த வண்ணங்களை வீடுகள் அல்லது அலமாரிகளில் இருப்பதைத் தடுக்க முடிவு செய்கிறோம். இத்தகைய எதிர்மறை தூண்டுதல்களிலிருந்து விடுபட, ஒரு உணர்ச்சி சுத்திகரிப்பு அல்லது ஒரு கலவையான நிறம் உதவும். மேலும் இது இறுதியில் ஒருவரின் வண்ணத் தட்டுகளைத் வெளிப்படுத்தவும் உதவும்” என்றார்.
கலர் தெரப்பி எவ்வாறு ஒட்டுமொத்த ஆரோக்கியத்தை மேம்படுத்துகிறது என்ற கேள்விக்கு, நக்ஷி கூறியதாவது, "வண்ணங்கள் நம் வாழ்வில் ஆழமான தாக்கத்தை ஏற்படுத்துகின்றன. மேலும் உணவு, வீடு மற்றும் அலமாரி போன்ற இடங்களில், நாம் சரியான வண்ணங்களை சேர்க்க வேண்டும். இல்லையெனில் அவை நமக்கு நேர்மறை உணர்வுகளை தூண்டிவிடும்.
எப்போதும் வண்ணங்களில் நாம் அதிக கவனம் செலுத்த வேண்டும். வண்ணங்களை குணப்படுத்தும் தரம், ஒட்டுமொத்த ஆரோக்கியத்திலும் தாக்கத்தை ஏற்படுத்துகிறது. மேலும், இயற்கையின் கூறுகளான பூமி, நீர், நெருப்பு, காற்று, உங்கள் சுற்றுப்புறத்திற்கான இடம் ஆகியவற்றின் அடிப்படையிலான வண்ணங்களைச் சேர்க்க நான் அறிவுறுத்துகிறேன்” என்றார்.
இதையும் படிங்க: உச்சந்தலை முதல் உள்ளங்கால் வரை நன்மை பயக்கும் எண்ணெய் எது தெரியுமா?
