தகாத உறவால் இளைஞர் கல்லால் அடித்துக் கொலை!

விருதுநகர்: சாத்தூர் அருகே தகாத உறவு காரணமாக இளைஞர் ஒருவர் கல்லால் அடித்துக் கொலை செய்த சம்பவம் குறித்து காவல் துறையினர் விசாரணை மேற்கொண்டு வருகின்றனர்.

விருதுநகர் மாவட்டம், சிவகாசி அருகேயுள்ள நாராயணபுரத்தைச் சேர்ந்தவர் விக்னேஷ் குமார்(26). இவருடைய மனைவி தனலட்சுமி(26). இருவரும் இரண்டு வருடங்களாக பிரிந்து வாழ்ந்து வருகின்றனர். இதனால், விக்னேஷ் குமார் சிவகாசியிலும் தனலட்சுமி சாத்தூர் அருகே படந்தாலிலும் வசித்து வருகின்றனர்.

இந்நிலையில், தனலட்சுமிக்கும் அதே பகுதியில் வசிக்கும் சதீஷ்(25) என்பவருக்கும் தகாத உறவு இருந்து வந்ததாக் கூறப்படுகிறது. நேற்று (ஜூன் 24) இரவு விக்னேஷ் குமார் திடீரென படந்தாலிலுள்ள தனலட்சுமியின் வீட்டிற்கு சென்றார். அப்போது சதீஷ், தனலட்சுமி இருவரும் ஒன்றாக இருந்ததை பார்த்த விக்னேஷ், சதீஸை கல்லால் தாக்கி விட்டு அங்கிருந்து தப்பிச் சென்றார்.

அதில், பலத்த காயமடைந்த சதீஷை அப்பகுதியினர் மீட்டு சிவகாசியில் உள்ள மருத்துவமனைக்கு கொண்டு செல்லும்போது வழியிலேயே உயிரிழந்தார். இது குறித்து தகவலறிந்த சாத்தூர் நகர் காவல் துறையினர் சம்பவ இடத்திற்கு சென்று தனலட்சுமியிடம் விசாரணை மேற்கொண்டு வருகின்றனர்.

தப்பியோடிய விக்னேஷ் குமாரை தேடி வருகின்றனர். மேலும் சிவகாசியிலிருந்து சதீஷின் உடலைக் கைப்பற்றி சாத்தூர் அரசு மருத்துவமனைக்கு உடற்கூறாய்விற்காக அனுப்பி வைத்தனர்.

இதையும் படிங்க:காசி வழக்கு: இருசக்கர வாகன மோசடி குறித்து சிபிசிஐடி தீவிரம்!