சிறுமி பாலியல் வன்கொடுமை - 50 வயது நபர் போக்சோவில் கைது!

விருதுநகர் : அருப்புக்கோட்டை அருகே எம்.ரெட்டியாபட்டியில் நான்கு வயது சிறுமியை பாலியல் வன்கொடுமை செய்த 50 வயது நபரை அருப்புக்கோட்டை அனைத்து மகளிர் காவல் துறையினர் போக்சோ சட்டத்தின் கீழ் கைது செய்துள்ளனர்.

விருதுநகர் மாவட்டம் அருப்புக்கோட்டை அருகே எம்.ரெட்டியாபட்டி லட்சுமிபுரத்தை சேர்ந்த லட்சுமணபெருமாள் சிந்துஜா தம்பதியரின் நான்கு வயது மகள் ராதா (பெயர் மாற்றப்பட்டுள்ளது). தினமும் அக்கம் பக்கத்து வீடுகளில் சென்று விளையாடுவது வழக்கம்.

இந்நிலையில் நேற்று வழக்கம்போல் விளையாடச் சென்ற ராதா அழுதுகொண்டே வீடு திரும்பியுள்ளார். இதுகுறித்து பெற்றோர் விசாரித்ததில் பக்கத்து வீட்டில் வசிக்கும் லாரி டிரைவர் கதிர்வேல்சாமி என்பவர் குழந்தை ராதாவை பாலியல் வன்கொடுமை செய்தது தெரியவந்தது.

இதனால் அதிர்ச்சியடைந்த ராதாவின் பெற்றோர் உடனடியாக அருப்புக்கோட்டை அனைத்து மகளிர் காவல் நிலையத்தில் புகார் அளித்தனர். குழந்தையின் பெற்றோர் அளித்த புகாரின் அடிப்படையில் குழந்தையை அரசு மருத்துவமனையில் பரிசோதனை செய்து பாலியல் வன்கொடுமை செய்த கதிர்வேல் சாமியை போக்சோ சட்டத்தின் கீழ் கைது செய்து விசாரணை செய்து மேற்கொண்டு வருகின்றனர்.

இதையும் படிங்க: