தங்கம் தென்னரசு தாயாருக்கு ஓ.பி.ஆர் அஞ்சலி

விருதுநகர்: முன்னாள் அமைச்சர் தங்கம் தென்னரசுவின் தாயார் ராஜாமணி உடலுக்கு நாடாளுமன்ற உறுப்பினர் ஓ.பி. ரவீந்திரநாத் குமார் நேரில் சென்று அஞ்சலி செலுத்தினார்.

விருதுநகர் மாவட்டம் அருப்புக்கோட்டை அருகேவுள்ள மல்லாங்கிணறு கிராமத்தில் திமுக முன்னாள் அமைச்சர் தங்கம் தென்னரசுவின் தாயார் ராஜாமணி தங்கபாண்டியன் நேற்று உயிரிழந்தார்.

அவரது, உடலுக்கு பலரும் அஞ்சலி செலுத்திவந்த நிலையில், இன்று (அக்.05) அதிமுகவைச் சேர்ந்த தேனி நாடாளுமன்ற உறுப்பினர் ஓ.பி.ரவீந்திரநாத் குமார் அஞ்சலி செலுத்தினார்.

பின்னர், தங்கம் தென்னரசு, தமிழச்சி தங்கபாண்டியன் குடும்பத்தினருக்கு ஆறுதல் கூறினார். இந்த நிகழ்வில் அதிமுக உறுப்பினர்கள் பலரும் கலந்துகொண்டனர்.

இதையும் படிங்க: தங்கம் தென்னரசு தாயார் மறைவு: உதயநிதி ஸ்டாலின் இரங்கல்