விருதுநகர் மாவட்டம் ஸ்ரீவில்லிபுத்தூர் ரைட்டன்பட்டி தெரு பகுதியில் சுமார் 200க்கும் மேற்பட்ட குடும்பங்கள் வசித்துவருகின்றன. இந்த பகுதியில் அடையாளம் தெரியாத நபர்கள் இரவில் குப்பையை கொட்டி தீ வைத்துவிட்டு செல்கின்றனர். இதனால் அப்பகுதி மக்கள் பெரும் சிரமத்திற்கு உள்ளாகியுள்ளனர்.
மேலும், இந்த பகுதியில் உள்ள சிலர் நீர் வழிப்பாதையை ஆக்கிரமித்துள்ளதாக குற்றம் சாட்டினர். இதுகுறித்து நகராட்சி நிர்வாகத்திடம் பலமுறை புகார் அளித்தும் எந்தவித நடவடிக்கையும் எடுக்காததால் அப்பகுதியைச் சேர்ந்த 50க்கும் மேற்பட்ட பொதுமக்கள் சாலை மறியல் போராட்டத்தில் ஈடுபட்டனர்.