உலகையே அச்சுறுத்திக் கொண்டிருக்கக் கூடிய கரோனா வைரஸ் தற்போது, இந்தியாவிலும் பரவியுள்ளது. இந்தியாவில் இதுவரை 169 பேர் கரோனா வைரஸால் பாதிக்கப்பட்டுள்ளனர். இதனால் தமிழ்நாடு அரசு பள்ளி, கல்லூரிகளுக்கு விடுமுறை அளித்துள்ளது.
கரோனா வைரஸ் பரவலைக் கட்டுப்படுத்த மத்திய, மாநில அரசுகள் பல்வேறு நடவடிக்கைகளை எடுத்துவருகிறது. அதன் ஒரு பகுதியாக, விருதுநகர் மாவட்டத்தின் முக்கிய சுற்றுலாத் தலமான பிளவக்கல் பெரியாறு அணைக்குச் சுற்றுலாப் பயணிகள் செல்ல தடை விதிக்கப்பட்டுள்ளது. இந்தத் தடை மார்ச் மாதம் 31ஆம் தேதி வரும் நீடிக்கும் என பொதுப்பணித் துறை அலுவலர்கள் தெரிவித்துள்ளனர்.
இதையும் படிங்க:ஐந்து கோடி ரூபாய் மதிப்பிலான போதைப்பொருள்கள் பறிமுதல்