விழுப்புரம்: விழுப்புரம் - செஞ்சி நோக்கி சென்ற தனியார் பேருந்து அளவுக்கு அதிகமாக பயணிகளை ஏற்றிக் கொண்டு சென்று கொண்டிருந்தது. அச்சமயம் விழுப்புரம் மாவட்டம், குன்றத்தூரில் நடைபெற இருந்த அரசு நிகழ்ச்சியில் பங்கேற்பதற்காக மாவட்ட ஆட்சியர் மோகன் தனது காரில் சென்று கொண்டிருந்தார்.
இந்நிலையில், தனியார் பேருந்து அளவுக்கு அதிகமாக பயணிகளை ஏற்றி சென்று கொண்டு இருப்பதை பார்த்த ஆட்சியர் பேருந்தை மடக்கி நிறுத்தினார். இதையடுத்து ஆட்சியர் விதிமுறைகளை மீறி செயல்பட்ட பேருந்தின் நடத்துனருக்கு 25 ஆயிரம் ரூபாய் அபராதம் விதித்து அதிரடி காட்டினார்.
முதல்வன் பட பாணியில் நடத்துனருக்கு அபராதம் விதித்த ஆட்சியர்