குடியிருப்புப் பகுதியில் செல்ஃபோன் டவர் அமைக்க எதிர்ப்பு

விழுப்புரம்: குடியிருப்புப் பகுதியில் செல்ஃபோன் டவர் அமைப்பதை தடுக்கக்கோரி கிராம மக்கள் மாவட்ட ஆட்சியரை சந்தித்து மனு அளித்தனர்.

விழுப்புரம் மாவட்டம், கிழக்குப் பாண்டிச்சேரி சாலையில் அமைந்துள்ளது அகரம் கிராமம். இக்கிராமத்தில் மூவாயிரத்துக்கும் மேற்பட்ட மக்கள் வசித்து வருகின்றனர்.

இந்நிலையில் இந்த கிராமத்தின் குடியிருப்புக்கு மத்தியில் தனியார் நிறுவனம் சார்பில் செல்ஃபோன் டவர் அமைக்கும் பணி நடந்து வருகிறது. இதற்கு அப்பகுதி மக்கள் கடுமையாக எதிர்ப்பு தெரிவித்து வரும் நிலையில், டவர் அமைப்பதற்கான ஆரம்பகட்டப் பணிகள் நடந்து வருகின்றன. இதை தடுக்கக்கோரி அப்பகுதி மக்கள் மாவட்ட ஆட்சியரை நேரில் சந்தித்து மனு அளித்தனர்.