தொடர் குற்றத்தில் ஈடுபட்டு வந்த நபர் குண்டர் சட்டத்தில் கைது!

விழுப்புரம்: தொடர்ந்து குற்றச் செயல்களில் ஈடுபட்டு வந்த நபரை காவல் துறையினர் குண்டர் சட்டத்தில் கைது செய்து சிறையில் அடைத்தனர்.

விழுப்புரம் மாவட்டம் கமலா நகர் பகுதியைச் சேர்ந்தவர் தானப்பன். இவரது மகன் கதிர் (எ) கதிரவன். இவர் மீது பல்வேறு குற்ற வழக்குகள் நிலுவையில் உள்ளன.

இந்நிலையில் கதிரவன் தொடர்ந்து குற்றச்செயல்களில் ஈடுபட்டு வந்துள்ளார். இவரது நடவடிக்கையை கட்டுப்படுத்தும் விதமாக விழுப்புரம் மாவட்ட காவல் கண்காணிப்பாளர் எஸ்.ஜெயக்குமாரின் பரிந்துரையை ஏற்று, கதிரவனை குண்டர் தடுப்பு சட்டத்தில் கைது செய்ய மாவட்ட ஆட்சியர் ஆ. அண்ணாதுரை உத்தரவிட்டார்.

கைது செய்யப்பட்ட கதிரவன்

இதையடுத்து கதிரவனை குண்டர் தடுப்புச் சட்டத்தின் கீழ் கைது செய்த, விழுப்புரம் நகர காவல் துறையினர் அவரை கடலூர் மத்திய சிறையில் அடைத்தனர்.

இதையும் படிங்க: நீண்ட நாட்களாக தேடப்பட்டுவந்த பிரபல கொள்ளையன் கைது.!