வெளிநாட்டில் உள்ள குடும்பத்திடம் முருகன், நளினி பேச்சு

வேலூர் மத்திய சிறையில் அடைக்கப்பட்டுள்ள முருகன், நளினி ஆகியோர் வெளிநாடுகளில் உள்ள முருகனின் சகோதரி, தாயிடம் காணொலி காட்சி மூலம் இரண்டாவது முறையாகப் பேசியுள்ளனர்.

வேலூர்: முன்னாள் பிரதமர் ராஜிவ் காந்தி கொலை வழக்கில் ஆயுள் தண்டனை பெற்ற பேரறிவாளன், முருகன், நளினி, சாந்தன் உள்ளிட்ட ஏழு பேர் கடந்த 30 ஆண்டுகளுக்கும் மேலாக சிறையில் அடைக்கப்பட்டுள்ளனர்.

இதில் முருகன், நளினி ஆகியோர் லண்டன், இலங்கையில் உள்ள தனது குடும்பத்தினருடன் காணொலி மூலம் பேச அனுமதி கேட்டு நீதிமன்றத்தில் மனு தாக்கல்செய்தனர். அதன்படி, இருவரும் 10 நாள்களுக்கு ஒரு முறை தலா 10 நிமிடங்கள் காணொலி மூலம் பேச உயர் நீதிமன்றம் அனுமதி அளித்துள்ளது.

ஜூலை 18ஆம் தேதி மாலை லண்டனில் உள்ள முருகனின் சகோதரியிடம் இருவரும் காணொலி மூலம் பேசினர். அன்றைய தினம் இலங்கையில் உள்ள முருகனின் தாயிடம் பேச இயலவில்லை.

இதன் காரணமாக நேற்று (ஜூலை 19) இரண்டாவது முறையாக இருவரும் லண்டனில் உள்ள சகோதரி, இலங்கையில் உள்ள தாய் ஆகியோரிடம் காணொலி மூலம் தலா 10 நிமிடங்கள் பேசியுள்ளனர்.

இதையும் படிங்க:சமூக வலைதளங்களில் அவதூறு பரப்பினால் தக்க நடவடிக்கை