என்ஐடி கல்லூரி மாணவி தற்கொலை - காதல் விவகாரமா?

திருச்சியில் கல்லூரி விடுதிக்குள் தூக்கிட்டுத் தற்கொலை செய்துகொண்ட மாணவி குறித்து காவல் துறையினர் விசாரணை நடத்தி வருகின்றனர்.

திருச்சி:திருவெறும்பூர் அருகேவுள்ள என்ஐடி (National Institute of Technology) கல்லூரியில் மாநில அளவில் மட்டுமல்லாமல் அகில இந்திய அளவிலும், சர்வதேச அளவிலுமான மாணவ-மாணவிகள் கல்வி பயின்று வருகின்றனர். பயின்று வரும் மாணவ மாணவிகள் என்ஐடி கல்லூரியில் உள்ள விடுதியில் தங்கி கல்வி பயின்று வருகின்றனர். அதன் ஒரு பகுதியாக ஆந்திர மாநிலம், காக்கிநாடா பான்குடியைச் சேர்ந்த அவளா செளமியா தேவி (20) என்ற மாணவி கல்லூரி விடுதியில் தங்கி பி.டெக். சிவில் இன்ஜினியரிங் இரண்டாம் ஆண்டு படித்து வந்தார். அவர் தடகள வீராங்கனை என்று கூறப்படுகிறது.

அவருடன் திருவாரூரைச் சேர்ந்த தீட்சனா என்ற சக மாணவி ஒருவரும் தங்கி கல்வி பயின்று வந்தார். இந்நிலையில் நேற்று (ஏப்.14) கல்லூரி விடுமுறை என்பதால் தீட்சனா வெளியில் சென்றுள்ளார். அவளா செளமியா தேவி மட்டுமே விடுதி அறையில் இருந்துள்ளார். பின்னர், வெளியில் சென்ற தீட்சனா, இரவு விடுதிக்கு வந்து பார்த்தபோது அறையின் கதவு உள்பக்கம் தாழிடப்பட்டு இருந்தது. கதவைத் தட்டியும், சத்தம் கொடுத்துப் பார்த்தும் திறக்காததால் கொஞ்சம் பலமாக ஓங்கி உதைத்துள்ளார். அப்போது கதவு திறந்துள்ளது.

உள்ளே பார்த்தபோது மின்விசிறியில் அவளா செளமியா தேவி தூக்கிட்டுத் தற்கொலை செய்துகொண்டது தெரியவந்தது. இதனைக் கண்டு அதிர்ச்சியடைந்த தீட்சனா உடனடியாக விடுதி வார்டன் மற்றும் கல்லூரி நிர்வாகிகளுக்குத் தகவல் தெரிவித்தார். தொடர்ந்து இதுகுறித்து தகவலறிந்த துவாக்குடி காவல் துறையினர் சம்பவ இடத்திற்கு விரைந்து வந்தனர். பின்னர், அவளா செளமியா தேவியின் உடலை மீட்டு உடற்கூராய்வுக்காக துவாக்குடி அரசு மருத்துவமனைக்கு அனுப்பி வைத்தனர்.

தற்கொலை தீர்வல்ல

இச்சம்பவம் குறித்து வழக்குப்பதிவு செய்த காவல் துறையினர் விசாரணையைத் தொடங்கினர். முதற்கட்ட விசாரணையில் அவளா செளமியா தேவிக்கு ஹைதராபாத்தில் படிக்கும்போது ஒருவருடன் காதல் இருந்துள்ளது. தற்போதும் அந்த காதல் தொடர்ந்து வந்துள்ளது. மேலும், அவளா சௌமியா தேவிக்கு அவரது காதலன் நேற்று போனில் பேசியதும் விசாரணையில் தெரியவந்துள்ளது. இவர்களது காதல் விவகாரம் இருவீட்டாருக்கும் தெரியும் என்பதை அறிந்த காவல் துறையினர், இளம்பெண் தற்கொலைக்கான காரணங்கள் குறித்து விசாரணை நடத்தி வருகின்றனர்.

இதையும் படிங்க:தண்ணீர் தொட்டியில் விஷவாயு: மூன்று பேர் மரணம்