'அடாவடி வசூல் சுங்கச்சாவடி உரிமத்தை ரத்து செய்க!'

திருச்சி: சிஐடியு சார்பில் பல்வேறு கோரிக்கைகளை வலியுறுத்தி கண்டன ஆர்ப்பாட்டம் நடைபெற்றது

மோட்டார் வாகன போக்குவரத்துத் தொழிலாளர் சங்கம் சிஐடியு திருச்சி மாவட்ட கிளை சார்பில் மாவட்ட ஆட்சியர் அலுவலகம் அருகே கண்டன ஆர்ப்பாட்டம் நடந்தது. இந்த ஆர்ப்பாட்டத்திற்கு அந்தச் சங்கத்தின் திருச்சி மாவட்ட துணைத் தலைவர் செல்வம் தலைமை வகித்தார். இந்த ஆர்ப்பாட்டத்தின்போது,

• மத்திய அரசு கொண்டுவரவுள்ள சாலைப் பாதுகாப்புத் திட்டத்தை திரும்பப் பெற வேண்டும்
• அடாவடி வசூலில் ஈடுபடும் சுங்கச்சாவடியின் உரிமத்தை ரத்து செய்ய வேண்டும்
• பெட்ரோல், டீசல் விலையை ஜிஎஸ்டிக்குள் கொண்டு வரவேண்டும்
• வாகன மெக்கானிக், பெயிண்டர், வெல்டர், பிட்டர் என இத்தொழிலை நம்பியிருக்கும் தொழிலாளிகளின் வாழ்வாதாரத்தை பாதிக்கும் எந்தவொரு நடவடிக்கையையும் மத்திய அரசு எடுக்கக் கூடாது.

என்பன உள்ளிட்ட பல கோரிக்கைகளை வலியுறுத்தப்பட்டது. இதில் 100-க்கும் மேற்பட்டோர் கலந்துகொண்டனர்.