திருச்சி மாவட்டம் மணப்பாறை அடுத்த தவிட்டுப்பட்டியைச் சேர்ந்தவர் அற்புதராஜ். இவர் பசு மாடுகளை வளர்த்து வருகிறார். இந்நிலையில் இன்று அவரது வீட்டின் பின்புறத்திலுள்ள வயல்வெளிப் பகுதியில் மேய்ச்சலில் ஈடுபட்டிருந்த ஒரு பசு மாடு மட்டும், அருகிலிருந்த 40 அடி கிணற்றுக்குள் தவறி விழுந்தது.
விரைந்து செயல்பட்டு உயிரைக் காப்பாற்றிய தீயணைப்புத்துறை
இதைக்கண்டு அதிர்ச்சியடைந்த வீட்டின் உரிமையாளர் உடனடியாக தீயணைப்புத் துறையினருக்கு தகவல் அளித்தார். இதையடுத்து விரைந்து வந்த தீயணைப்புத் துறையினர் கிணற்றுக்குள் ஐந்து அடி தண்ணீரில் உயிருக்கு போராடிக் கொண்டிருந்த பசுவை அக்கம் பக்கத்தினர் உதவியோடு மீட்டனர்.