விவசாயிகள் குறைதீர் கூட்டத்தில் விவசாயிகள், பல்வேறு விவசாய சங்க பிரதிநிதிகள், பொதுமக்கள் உட்பட பலர் கலந்து கொண்டு தங்களது கோரிக்கைகளை மனுவாக அளித்தனர்.
முன்னதாக மாவட்ட ஆட்சியர் அலுவலகம் முன்பு அனைத்து விவசாயிகள் சங்கத்தைச் சேர்ந்த பிரிதிநிதிகள் ஆர்ப்பாட்டத்தில் ஈடுபட்டனர். ஆர்ப்பாட்டத்தின்போது, கஜா புயலால் பாதித்த வாழை, மக்காச்சோளம் பயிர்களுக்கு நிவாரணம் வழங்க வேண்டும்.
மேகதாது அணை கட்ட அனுமதி வழங்கக்கூடாது. பயிர் காப்பீட்டுத் தொகையை உடனடியாக வழங்க வேண்டும். விவசாயிகளை ஏமாற்றும் போக்கை மத்திய, மாநில அரசுகள் கைவிட வேண்டும் உள்ளிட்ட கோரிக்கைகளை வலியுறுத்தி கோஷங்களை எழுப்பினர்.
இந்த ஆர்ப்பாட்டத்தில், தேசிய தென்னிந்திய நதிகள் இணைப்பு சங்க மாநில தலைவர் அய்யாக்கண்ணு, தமாகா விவசாய அணி, கம்யூனிஸ்ட் உள்ளிட்ட விவசாய சங்க பிரதிநிதிகள் கலந்து கொண்டனர்.
