துறையூர் அதிமுக வேட்பாளர் இந்திரா காந்திக்குக் கரோனா

துறையூர் அதிமுக வேட்பாளர் இந்திரா காந்திக்குக் கரோனா தொற்று உறுதி செய்யப்பட்டுள்ளது.

திருச்சி: துறையூர் அதிமுக வேட்பாளர் இந்திரா காந்திக்குக் கரோனா தொற்று உறுதி செய்யப்பட்டுள்ளது. தமிழ்நாடு சட்டப்பேரவைத் தேர்தல் ஏப்ரல் 6ஆம் தேதி நடைபெறுகிறது. இதற்காக, வேட்பாளர்கள் தீவிர வாக்கு சேகரிப்பில் ஈடுபட்டு வருகின்றனர். தேர்தல் சுறுசுறுப்பு ஒருபுறம் இருக்கும் சூழ்நிலையில், மறுபுறம் கரோனா பரவலும் நாளுக்கு நாள் அதிகரித்து வருகிறது.

இந்த வகையில் தேர்தலில் போட்டியிடும் வேட்பாளர்கள் சிலருக்குக் கரோனா தொற்று உறுதி செய்யப்பட்டது. இந்த வகையில் இன்று(ஏப்ரல் 1) திருச்சி மாவட்டம், துறையூர் சட்டப்பேரவைத் தொகுதியில் போட்டியிடும் அதிமுக வேட்பாளரும், முன்னாள் சட்டப்பேரவை உறுப்பினருமான இந்திரா காந்திக்குக் கரோனா உறுதி செய்யப்பட்டுள்ளது.

இதையடுத்து, அவர் திருச்சி அப்பலோ மருத்துவமனையில் அனுமதிக்கப்பட்டுள்ளார். மேலும், கடந்த 30ஆம் தேதி முதலமைச்சர் எடப்பாடி பழனிசாமி திருச்சி மரக்கடையில் நடந்த தேர்தல் பரப்புரையில் கலந்து கொண்டார்.

இந்த பரப்புரையின்போது இந்திரா காந்தியும் கலந்து கொண்டார் என்பது குறிப்பிடத்தக்கது. முன்னதாக இவரது கணவர் தடுப்பூசியை, சில தினங்களுக்கு முன் செலுத்திக் கொண்டார். அவருக்கு உடல்நிலைப் பாதிப்பு ஏற்பட்டுள்ளது என்பது குறிப்பிடத்தக்கது.

இதையும் படிங்க: சிஏஏ, நீட் தேர்வு, வேளாண் சட்டங்களை திரும்ப பெற பிரதமரிடம் முதலமைச்சர் வலியுறுத்த வேண்டும்- ஸ்டாலின்