மொத்த வியாபாரிகளால் பாதிக்கப்படும் சில்லறை வியாபாரிகள்!

திருப்பூரில் மொத்த விற்பனை செய்யும் வியாபாரிகளால், சில்லறை விற்பனை செய்யும் வியாபாரிகள் பாதிக்கப்படுவதால் இதுகுறித்து நடவடிக்கை எடுக்கக்கோரி மீன் வியாபாரிகள் நல சங்கத்தினர் மாவட்ட ஆட்சியர் அலுவலகத்தில் மனு அளித்தனர்.

திருப்பூர் தென்னம்பாளையம் மார்க்கெட்டில் மொத்த மீன் மார்க்கெட் இயங்கி வருகிறது. இங்கிருந்து சில்லறை வியாபாரிகள் மீன்களை பெற்றுக் கொண்டு ஒவ்வொரு பகுதியிலும் வியாபாரம் செய்து வருகின்றனர்.

இந்நிலையில், மொத்த விற்பனை செய்யும் வியாபாரிகளும் சில்லறை வியாபாரம் செய்வதால், சில்லறை விற்பனை செய்யும் வியாபாரிகள் பாதிக்கப்படுள்ளனர். எனவே இதுகுறித்து நடவடிக்கை எடுக்கக்கோரி மீன் வியாபாரிகள் நல சங்கத்தினர் மாவட்ட ஆட்சியர் அலுவலகத்தில் மனு ஒன்றினை அளித்தனர்.

அதில், ”தென்னம்பாளையம் மார்க்கெட்டில் சில்லறை வியாபாரம் நடப்பதால், 5 ஆயிரத்துக்கும் மேற்பட்ட சில்லறை வியாபாரிகள் பாதிக்கப்பட்டதால், இதுகுறித்து மீன் மார்க்கெட் உரிமையாளர்களிடம் தெரிவித்தும் நடவடிக்கை எடுக்கவில்லை. எனவே, மாவட்ட நிர்வாகம் தலையிட்டு உரிய நடவடிக்கை மேற்கொள்ள வேண்டும்” என்றனர்.

இதையும் படிங்க:'மறுஉத்தரவு வரும்வரை மதுரையில் குவாரி தொடங்க அனுமதி வழங்கக்கூடாது'- உயர் நீதிமன்றம்