இலவச மடிக்கணினி வழங்கிய அமைச்சர் உடுமலை ராதாகிருஷ்ணன்

திருப்பூர் : உடுமலையில் தனியார் சேவை அமைப்பு சார்பில் அமைச்சர் உடுமலை ராதாகிருஷ்ணன் பள்ளிகளுக்கு இலவச மடிக்கணினி, ஒலிபெருக்கி ஆகியவற்றை வழங்கினார்.

திருப்பூர் மாவட்டம், உடுமலை அருகே பெரியகோட்டை பகுதியில் இன்னர்வீல் கிளப் என்ற தனியார் சேவை அமைப்பு சார்பில் கிராமப்புற பள்ளிகளுக்கு இலவசமாக மடிக்கணினி, ஒலிப்பெருக்கி, தனியார் அறக்கட்டளையினருக்கு ஆம்புலன்ஸ் வாங்கிட ஐம்பதாயிரம் நிதி உதவி ஆகியவை வழங்கப்பட்டது.

இவ்விழாவை கால்நடை பராமரிப்புத்துறை அமைச்சரும் அரசு கேபிள் டிவி நிறுவனத் தலைவருமான அமைச்சர் உடுமலை ராதாகிருஷ்ணன் தலைமையேற்றுப் பொருட்கள், காசோலை ஆகியவற்றை வழங்கினார்.

அப்போது அருகில் அதிமுக கட்சியைச் சார்ந்த தொண்டரின் குழந்தைக்கு பெயர் வைக்க அமைச்சர் இருக்கும் இடத்திற்கு தூக்கிக்கொண்டுவர, அதைப் பார்த்த அமைச்சர் கட்சித் தொண்டரின் வீட்டுக்கே சென்று குழந்தைக்கு, சக்தி ஸ்ரீனிவாஸ் எனப் பெயர் வைத்தார்.

உதவிகள் வழங்கும் விழாவிற்குச் சென்ற அமைச்சர், கட்சித் தொண்டரின் வீட்டுக்கே சென்று குழந்தைக்கு பெயர் வைத்த சம்பவம் அனைவரையும் நெகிழ வைத்தது.