திருப்பூர் மாவட்டம் தாராபுரம் அரசு மருத்துவமனையில் சந்தோஷ் என்பவர் தனக்கு சளி, தொண்டை வலி ,காய்ச்சல் தொடர் இருமல் மூச்சு திணறல் இருந்ததை உணர்ந்து தானாக முன்வந்து தனக்கு கரோனா வைரஸ் டெஸ்ட் எடுக்க வேண்டும் என அரசு மருத்துவமனைக்கு கடந்த 27ஆம் தேதி சனிக்கிழமை மாலை 3.30 மணிக்கு சென்றுள்ளார்.
அப்பொது ஞாயிற்றுக்கிழமை (ஜூன் 28) வாருங்கள் என மருத்துவர்கள் தெரிவித்துள்ளனர். இதனையடுத்து அடுத்த நாளே ஞாயிற்றுக்கிழமை என்பதால் அன்று காலை 11.30 மணிக்கு அரசு மருத்துவமனைக்கு சென்றுள்ளார். அன்றும் மருத்துவக் குழுவினர் இல்லை என்று சொல்லி திங்கட்கிழமை வரும்படி கூறியுள்ளனர். பின்னர் 29ஆம் தேதி திங்கட்கிழமை மதியம் 2.00 மணிக்கும் சென்றுள்ளார். அப்போது இன்று டைம் முடிவடைந்துவிட்டது, மீண்டும் செவ்வாய்க்கிழமை வாருங்கள் எனத் தெரிவித்துள்ளனர்.
கரோனா அறிகுறி இருத்து பரிசோதனைக்காக அலைக்கழிக்கும் மருத்துவர்கள்