இளைய தலைமுறையினரிடம் செல்லும் பெரியார்!

திருப்பூர்: பெரியாரின் கொள்கைகள்  சித்தாந்தங்கள் பகுத்தறிவுச் சிந்தனைகள் ஆகியவைகளை இளைய தலைமுறையினருக்கு பயிற்றுவிக்க தந்தை பெரியார் திராவிடர் கழகம் சார்பாக உடுமலைப்பேட்டையில் பயிலரங்கம் நடைபெற்றது.

பெரியார் திராவிடர் கழகம் என்பது பெரியாரின் கொள்கைகளை வலியுறுத்தும் சமூக அமைப்பாகும். இந்த அமைப்பின் சார்பாக திருப்பூர் மாவட்டம் உடுமலைப்பேட்டையில் பெரியாரின் கொள்கைகள் சித்தாந்தங்கள் மற்றும் பகுத்தறிவு சிந்தனைகள் பற்றிய பயிலரங்கம் நேற்று நடைபெற்றது.

இதில் 50க்கும் மேற்பட்டோர் கலந்து கொண்டனர். இந்த பெரியாரியல் பயிலரங்கம் இனி மாதம்தோறும் நடைபெறும் என்று அக்கழகப் பொதுச்செயலாளர் திரு ராதாகிருஷ்ணன் கூறினார்.

மேலும் பெரியாரின் கொள்கைகளையும் சித்தாந்தங்களையும் இளம் தலைமுறையினர் கற்றுக் கொள்வதற்கு ஏதுவாக இந்த பயிலரங்கம் அமையும் என்றும் அவர் கூறினார்.