Etv Bharat Impact: மின்கம்பத்துடன் அமைக்கப்பட்ட கால்வாய் மாற்றியமைப்பு!

ஈடிவி செய்தி எதிரொலியால் வாணியம்பாடி அருகே மின்கம்பத்துடன் சேர்த்து கட்டப்பட்ட கழிவு நீர் கால்வாய் ஊராட்சி நிர்வாகம் சார்பில் மாற்றியமைக்கப்பட்டது

திருப்பத்தூர்:வாணியம்பாடி அடுத்த ஜாப்ராபாத் ஊராட்சிக்குட்பட்ட பீர்ஜி தெருவில் ஊராட்சி நிர்வாகம் சார்பில் ரூபாய் 1.80 லட்சம் மதிப்பீட்டில் கழிவுநீர் கால்வாய் அமைக்கும் பணி கடந்த இரண்டு மாதங்களுக்கு முன் தொடங்கப்பட்டு நடந்து வருகிறது.

பீர்ஜி தெருவில் சுமார் 56.80 மீட்டரில் அமைக்கப்பட்ட கழிவுநீர் கால்வாய் அப்பகுதியில் உள்ள மின்கம்பத்துடன் சேர்த்து கட்டியுள்ளது பெரும் சர்ச்சையை ஏற்படுத்தியது.

இந்நிலையில் மின்கம்பத்துடன் சேர்த்துக் கழிவு நீர் கால்வாய் அமைத்தது குறித்து ஈடிவி பாரத்தில் செய்தி வெளியிடப்பட்டது. அதன் எதிரொலியாக ஊராட்சி நிர்வாகம் சார்பில் தற்போது கழிவு நீர் கால்வாயை மாற்றியமைக்கப்பட்டுள்ளது.

இதையும் படிங்க: மின்கம்பத்துடன் சேர்த்து கட்டப்பட்ட கழிவு நீர் கால்வாய்; மீண்டும் ஓர் சம்பவம்