பணி செய்யவிடாமல் தடுத்ததாக மாற்றுத்திறனாளி தீக்குளிக்க முயற்சி

டாஸ்மாக் கடையில் பணி செய்யவிடாமல் தடுத்ததாக, மாற்றுத்திறனாளி ஒருவர் தூத்துக்குடி மாவட்ட ஆட்சியர் அலுவலகத்தில் தீக்குளிக்க முயன்றது பரபரப்பை ஏற்படுத்தியுள்ளது.

தூத்துக்குடி:தூத்துக்குடி மாவட்டம் விளாத்திகுளம் அருகே சிவஞான புரத்தைச் சேர்ந்தவர் நாகராஜ். மாற்றுத்திறனாளியான இவர், அதே ஊரில் டாஸ்மாக் கடையில் விற்பனையாளராக பணி செய்ய அரசு ஆணை வழங்கியிருந்தது. இதைக்கொண்டு பணியில் சேர சென்ற நாகராஜனை கடையின் மேற்பார்வையாளர் ஐயப்பன் என்பவர், மாற்றுத்திறனளியால் எந்த வேலையும் செய்யமுடியாது என இழிவாக பேசி, கடந்த ஒரு வருடங்களாக பணி செய்யவிடாமல் தடுத்தது தெரியவந்தது.

இதனால், மன வேதனையடைந்த நாகராஜன்,. மாவட்ட மேலாளர், மாவட்ட உதவி மேலாளருக்கு தபால் மூலமாகவும், தொலைபேசி மூலமாகவும் புகார் தெரிவித்துள்ளார். இருப்பினும் புகார் குறித்து எவ்வித நடவடிக்கையும் எடுக்கப்படவில்லை என தெரிகிறது.

மாற்றுத்திறனாளி நாகராஜன்

தீக்குளிக்க முயற்சி செய்த நாகராஜன்

இந்நிலையில், மாவட்ட ஆட்சியர் அலுவலகத்திற்கு புகார் அளிக்க வந்த நாகராஜன் திடீரென ஆட்சியர் அலுவலகத்தில் தீக்குளிக்க முயன்றார். தீக்குளிக்க முயற்சி செய்த நாகராஜனை அங்கிருந்த காவலர்கள் தண்ணீரை ஊற்றி தடுத்து நிறுத்தினர். மாற்றுத்திறனாளி நபர் ஒருவர் ஆட்சியர் அலுவலகத்தில் தீக்குளிக்கு முயன்ற சம்பவம் பெரும் பரபரப்பை ஏற்படுத்தியுள்ளது.

இதையும் படிங்க:கோவில்பட்டி இரும்பு கடை திருட்டு - 4 பேர் கைது