திருவாரூர் மாவட்டத்தில் திருத்துறைப்பூண்டி அருகே நடுவெளிகளப்பால் பகுதியில் அரசு நடுநிலைப் பள்ளி உள்ளது. இப்பள்ளியில் 65-க்கும் மேற்பட்ட மாணவர்கள் பயின்றுவருகின்றனர். இந்நிலையில் இன்று பள்ளியில் வழக்கமாக மதிய சத்துணவு வழங்கப்பட்டது. இதனை சாப்பிட்ட மாணவர்கள் 18 பேருக்கு மயக்கம் ஏற்பட்டது.
ஆசிரியர்கள் மயங்கிவிழுந்த மாணவர்களை உடனே அருகில் உள்ள ஆரம்ப சுகாதார நிலையத்திற்கு அழைத்துச் சென்றனர். இதில் 12 மாணவர்கள் குணமடைந்துள்ளனர். ஆறு மாணவர்கள் மேல் சிகிச்சைக்காக திருத்துறைப்பூண்டி அரசு மருத்துவமனைக்கு அழைத்துச் செல்லப்பட்டு சிகிச்சை அளிக்கப்பட்டுவருகிறது. இது குறித்து வட்டாரக் கல்வித்துறை சார்பில் விசாரணை மேற்கொள்ளப்பட்டுவருகிறது.
