திமுக கலைஞரின் குடும்ப சொத்து - அமைச்சர் செல்லூர் ராஜூ விமர்சனம்

திருப்பூர்: திமுக கட்சி கலைஞரின் குடும்ப சொத்து என அமைச்சர் செல்லூர் ராஜூ விமர்சனம் செய்துள்ளார்.

திருப்பூர் மாவட்டம், பல்லடத்தில் கூட்டுறவுத் துறை சார்பில் கொப்பரை கொள்முதல் மையம் தொடக்க விழா நடைபெற்றது. இதில் கால்நடை பராமரிப்பு துறை அமைச்சர் உடுமலை ராதாகிருஷ்ணன், கூட்டுறவு துறை அமைச்சர் செல்லூர் ராஜூ ஆகியோர் கலந்துகொண்டு கொள்முதல் மையத்தை திறந்து வைத்தனர்.

அப்போது அமைச்சர் செல்லூர் ராஜு கூறுகையில், " அதிமுக ஆட்சியில் கூட்டுறவுத்துறை சிறப்பாக செயல்பட்டு வருகிறது. திமுக கட்சி அண்ணாவின் விசுவாசிகளுக்கான கழகம் கிடையாது. அது கலைஞரின் குடும்ப சொத்து, கலைஞருக்குப் பிறகு அவரது வாரிசுகள் மட்டுமே திமுகவில் தலைமைப் பொறுப்பில் இருந்து வருகின்றனர்.

மேலும் அவர் கூறுகையில், உள்ளாட்சித் தேர்தல் எப்போது வந்தாலும் அதிமுக கண்டிப்பாக வெற்றி பெரும். இதற்கான அட்டவணையை முதலமைச்சர் எடப்பாடி பழனிசாமி போட்டு வைத்துள்ளார். ஸ்டாலினின் பொய்யான வாக்குறுதிகளை மக்கள் இனியும் நம்பப் போவதில்லை, வேலூர் இடைத்தேர்தலில் அதிமுக கூட்டணியே வெற்றி பெறும்" என்றார