தேர்தல் விதிமுறையை மீறிய நாம் தமிழர் கட்சி

திருவாரூர்: தேர்தல் விதிமுறையை மீறி விளம்பரம் செய்த அரசியல் கட்சியின் பிரமுகர்கள் மீது காவல் துறையினர் வழக்குப்பதிவு செய்துள்ளனர்.

தமிழ்நாடு உள்ளிட்ட ஐந்து மாநிலங்களில் தேர்தல் நடைபெறும் தேதியை இந்தியத் தேர்தல் ஆணையம் அறிவித்த நிலையில், பிப்ரவரி 26ஆம் தேதிமுதல் தமிழ்நாட்டில் தேர்தல் நன்னடத்தை விதிகள் அமலுக்கு வந்தன.

இந்நிலையில், திருவாரூர் மாவட்டம் மன்னார்குடி தங்கமணி கட்டடம் அருகே சாலையோரம் இருந்த போக்குவரத்துக் காவல் துறையின் நிழல் கூண்டில் நாம் தமிழர் கட்சி சார்பில் விளம்பரம் செய்யப்பட்டுள்ளது.

இதற்காக அக்கட்சியைச் சேர்ந்த ராம அரவிந்தன் என்பவர் மீதும், திருமக்கோட்டை அருகே மேலநத்தம் கிராமத்தில் அதிமுக சார்பில் பிளக்ஸ் பேனர் வைத்ததற்காக போஸ் ராஜன் என்பவர் மீதும் காவல் துறையினர் வழக்குப்பதிவு செய்து நடவடிக்கை மேற்கொண்டுள்ளனர்.

இதையும் படிங்க:தேர்தல் விதிமுறைகளை மீறிய திமுக