திமுகவுக்கு தகுதியில்லை: முதல்வர் பழனிசாமி காட்டம்!

திருவாரூர்: சட்டசபையில் நன்றாக இருந்த சட்டையை கிழித்துக்கொண்டு ஸ்டாலின் வந்து கேவலமான அரசியல் செய்கிறார் என முதலமைச்சர் எடப்பாடி பழனிசாமி குற்றஞ்சாட்டினார்.

திருவாரூர் மாவட்டம் கொல்லுமாங்குடி மற்றும் நன்னிலம் பகுதியில் அதிமுக நாடாளுமன்ற வேட்பாளர் சரவணனுக்கு வாக்கு சேகரித்து முதல்வர் எடப்பாடி பழனிச்சாமி பரப்புரையில் ஈடுபட்டார்.

அப்போது பேசிய எடப்பாடி பழனிச்சாமி, ‘திமுககாரர்கள் ஒழுங்காக இருந்தால் பெண்கள் பத்திரமாக இருப்பார்கள் என்றும், திமுக தலைவர் ஸ்டாலினுக்கு பெண்களின் பாதுகாப்பு குறித்து பேசுவதற்கு தகுதி கிடையாது’ என்றும் குற்றஞ்சாட்டினார்.

மேலும் பேசிய அவர், ‘சட்டசபையில் ஸ்டாலின் நன்றாக இருந்த சட்டையை கிழித்துக் கொண்டு வெளியே வந்து கேவலமான அரசியல் செய்கிறார். அரசியல் செய்வதற்கும் விவஸ்தை உள்ளது. இச்செயலை பார்க்கும்போது மனநிலை பாதிக்கப்பட்டு விட்டதோ? என்று நான் கூட நினைத்தேன்’ என கடுமையாக விமர்சனம் செய்தார்.