Karthigai Deepam: திருவண்ணாமலைக்கு 4 சிறப்பு ரயில்கள் அறிவிப்பு!

திருவண்ணாமலை கார்த்திகை தீபதிருநாளையொட்டி பக்தர்கள் வசதிக்காக திருச்சி - வேலூர், மயிலாடுதுறை - திருவண்ணாமலை இடையே 4 சிறப்பு ரயில்களை தெற்கு ரயில்வே அறிவித்துள்ளது.

திருவண்ணாமலை:அண்ணாமலையார் கோயில் கார்த்திகை தீபத் திருவிழாவுக்கு வருகைத் தரும் பக்தர்களின் வசதிக்காக சிறப்பு ரயில் அறிக்கப்பட்டுள்ளது.

திருச்சி - வேலூர் சிறப்பு ரயில்:இதுகுறித்து தெற்கு ரயில்வே வெளியிட்டுள்ள அறிவிப்பில், டிசம்பர் 6 முதல் 8-ம் தேதி திருச்சியில் 3.45 மணிக்கு புறப்படும் வண்டி எண்-06890 நள்ளிரவு 12.40 மணிக்கு வேலூர் கண்டோன்மெண்டை சென்றடைகிறது. மறுமார்கத்தில் வேலூர் கண்டோன்மெண்டில் இருந்து நள்ளிரவு 1.30 மணிக்கு புறப்படும் ரயில்(06889) மறுநாள் காலை 10.45 மணிக்கு திருச்சி சென்றடைகிறது. இந்த ரயில்களானது கடலூர் திருப்பாதிரிப்புலியூர், நெல்லிக்குப்பம், பண்ருட்டி, விழுப்புரம், வெங்கடேசபுரம், மாம்பழப்பட்டு, திருக்கோவிலூர், திருவண்ணாமலை, போளூர், ஆரணி சாலை ஆகிய ரயில் நிலையங்களில் நின்று செல்லும்.

மயிலாடுதுறை - திருவண்ணாமலை சிறப்பு ரயில்:டிசம்பர் 6 மற்றும் 7-ஆம் தேதிகளில் மயிலாடுதுறையில் இருந்து காலை 6 மணிக்கு புறப்படும் சிறப்பு ரயில் (வண்டி எண் 06690) 10.55 மணிக்கு திருவண்ணாமலையை சென்றடைகிறது. மறுமார்க்கத்தில் திருவண்ணாமலையில் இருந்து பகல் 12.40 மணிக்கு புறப்படும் சிறப்பு ரயில் (எண் 06691) மாலை 5.40 மணிக்கு மயிலாடுதுறையை சென்றடைகிறது. இந்த சிறப்பு ரயில்கள் விழுப்புரம், வெங்கடேசபுரம், மாம்பழப்பட்டு, ஆயந்தூர், திருக்கோவிலூர், ஆதிச்சனூர், அண்டம்பள்ளம், தண்டரை ஆகிய ரயில் நிலையங்களில் நின்று செல்லும். என்று தெற்கு ரயில்வே அறிவித்துள்ளது.

இதையும் படிங்க:'பொது இடத்தில் விவாதிக்க தயாரா?' முதல்வர் ஸ்டாலினுக்கு இபிஎஸ் சவால்!