முரசொலி அலுவலகத்திற்கு சீல் வைக்க வேண்டும் - பொன். ராதாகிருஷ்ணன்

திருவண்ணாமலை: உரிய ஆதாரத்தை குறிப்பிட்ட காலத்திற்குள் காண்பிக்கவில்லை என்றால் முரசொலி அலுவலகத்தை மூடி சீல்வைக்க வேண்டும் என பொன். ராதாகிருஷ்ணன் கூறியுள்ளார்.

திருவண்ணாமலை மாவட்டம் போளூர் ஸ்ரீ ராமஜெயம் கல்வி நிறுவன கலையரங்க வளாகத்தில் அமமுகவிலிருந்து விலகியவர்கள் பாஜகவில் இணையும் விழா நடைபெற்றது. அமமுக கட்சியின் மாநில அமைப்புச் செயலாளர், தொழிலதிபருமான போளூர் சி. ஏழுமலை தலைமையில் அம்மா மக்கள் முன்னேற்றக் கழக நிர்வாகிகள் அந்தக் கட்சியிலிருந்து விலகி முன்னாள் மத்திய இணை அமைச்சர் பொன். இராதாகிருஷ்ணன் தலைமையில் பாஜகவில் தங்களை இணைத்துக்கொண்டனர்.

இதனையடுத்து செய்தியாளர்களிடம் பேசிய பொன். ராதாகிருஷ்ணன், "திருவள்ளுவரை பாஜக சொந்தம் கொண்டாடவில்லை. காவி நிறம் என்பது பாஜகவின் நிறம் அல்ல. அது ஒரு பொதுவான நிறம். அயோத்தியா விவகாரத்தில் உச்ச நீதிமன்றம் எத்தகைய தீர்ப்பு வழங்கினாலும் நாங்கள் ஏற்போம். உரிய ஆதாரத்தை குறிப்பிட்ட காலத்திற்குள் காட்டவில்லை என்றால் முரசொலி அலுவலகத்திற்கு சீல்வைக்க வேண்டும்" என்றார்.