திருவண்ணாமலை: செங்கல்பட்டு மாவட்டம் அச்சரப்பாக்கம் தாலுகா பெரியகாயம்பாக்கம் கிராமத்தைச் சேர்ந்த செங்கோட்டை என்பவரது மகன் வெங்கடேசனுக்கும், காஞ்சிபுரம் மாவட்டம் ஓரிக்கையை சேர்ந்த கோபி மகள் வேதவள்ளிக்கும் அச்சரப்பாக்கத்தில் இன்று காலை திருமணம் நடைபெறுகிறது.
நேற்று இரவு திருமண வரவேற்பு நிகழ்ச்சி நடைபெற்றது. இந்நிகழ்ச்சியில் கலந்து கொள்வதற்காகக் காஞ்சிபுரத்திலிருந்து வந்த மணமகளின் உறவினர்கள், நண்பர்கள் 40 பேர் தனியார் பேருந்தில் அச்சரப்பாக்கம் சென்று விட்டு மீண்டும் ஊர் திரும்பிக் கொண்டிருந்தனர்.
திருவண்ணாமலை மாவட்டம் வந்தவாசி அடுத்த மேல்மா கூட்ரோடு அருகே செல்லும்போது பேருந்தின் டயர் வெடித்துள்ளது. இதனால் டிரைவர் பஸ்சை ஓரமாக சாமர்த்தியமாக நிறுத்தி உள்ளார். பஸ் முழுமையான குளிர்சாதன வசதி கொண்டதாகவும் மூடப்பட்ட கண்ணாடிகளைக் கொண்டதாகவும் இருந்து உள்ளது. இதனால் பயணிகள் பேருந்திலிருந்து இறங்க முடியவில்லை. பயணிகள் செய்வதறியாது தவித்தனர்.