திருவள்ளூர் மாவட்டம், மப்பேடு அடுத்த புதுப்பட்டு கிராமத்தைச் சேர்ந்தவர் நாகராஜ். இவர் அதே பகுதியைச் சேர்ந்த ராஜா என்பவரது மனைவி சத்யதேவி என்ற பெண்ணை பாலியல் தொந்தரவு செய்ததாகக் கூறப்படுகிறது. இந்நிலையில் கடந்த 24ஆம் தேதி, மப்பேடு அருகே சுங்குவார்சத்திரம் சாலையில் நாகராஜ், நான்கு பேர் கொண்ட அடையாளம் தெரியாத நபர்களால், பட்டப்பகலில் வெட்டிக்கொலை செய்யப்பட்டார்.
தகவலறிந்து சம்பவ இடத்திற்கு வந்த மப்பேடு காவல் துறையினர் பிரேதத்தைக் கைப்பற்றி திருவள்ளூர் அரசு மருத்துவமனைக்கு அனுப்பி வைத்தனர். இந்தச் சம்பவம் தொடர்பாக திருவள்ளூர் காவல் துணை கண்காணிப்பாளர் துரைபாண்டியன் தலைமையிலான தனிப்படை காவல் துறையினர் விசாரணை மேற்கொண்டனர்.