குடும்பத் தகராறு கணவனை கொலை செய்த பெண் கைது

திருவள்ளூர்: கணவனை தனது சகோதரனுடன் சேர்ந்து கொலை செய்த பெண்ணை பொதட்டூர்பேட்டை காவல் துறையினர் கைது செய்து விசாரணை மேற்கொண்டுவருகின்றனர்.

திருவள்ளூர் மாவட்டம் திருத்தணி அருகே பொதட்டூர்பேட்டை அடுத்த நொச்சிலி கிராமத்தைச் சேர்ந்த முருகேசன் (40). இவருக்கும், இவரது மனைவி முனியம்மாளுக்கும் கருத்து வேறுபாட்டினால் அடிக்கடி தகராறு ஏற்படுவது வழக்கமாக இருந்தது.

முருகேசன் அடிக்கடி குடித்துவிட்டு முனியம்மாளுடன் தகராறில் ஈடுபட்டுவந்தார். இந்நிலையில், நேற்று முன்தினம் (வெள்ளிக்கிழமை) முருகேசன் குடித்துவிட்டு மனைவி முனியம்மாளை அடித்திருக்கிறார்.

இதனால் கோபமடைந்த முனியம்மாள் தனது சகோதரன் ஏழுமலைக்கு தகவல் அளித்தார். இதனையடுத்து, முனியம்மாள், ஏழுமலை, அவரது மனைவி ஷீபா ஆகிய மூவரும் சேர்ந்து முருகேசனை அடித்து கழுத்தில் வயரால் இறுக்கிக் கொலை செய்துள்ளனர்.

இந்தச் சம்பவம் அறிந்து பொதட்டூர்பேட்டை காவல் துறையினர் சம்பவ இடத்திற்கு வந்து மூன்று பேரையும் கைது செய்து விசாரணை மேற்கொண்டுவருகின்றனர்.