சிறை வளாகத்தில் பெட்ரோல் நிலையம்: முதலமைச்சர் திறந்து வைப்பு

திருவள்ளூர்: தமிழ்நாடு மாசு கட்டுப்பாட்டு வாரியத்திற்கு கட்டப்பட்ட  புதிய கட்டடத்தையும், புழல் சிறை வளாகத்தில் புதிதாக அமைக்கபட்ட பெட்ரோல் டீசல் விற்பனை நிலையத்தையும் தமிழ்நாடு முதலமைச்சர் காணொலி காட்சி மூலம் திறந்து வைத்தார்.

தமிழ்நாட்டில் சிறைவாசிகள் புதிய வாழ்வைத் தொடங்கும் வகையில் அவர்களுக்கு பல்வேறு தொழில் பயிற்சிகள் அளிக்கப்படுகின்றன. இந்தப் பயிற்சிகள் மூலம் தயாரிக்கப்படும் பொருட்கள் சிறை அங்காடிகளின் வழியாக விற்பனை செய்யப்படுகின்றன.

இந்நிலையில் தமிழ்நாட்டில் சிறைத்துறை - இந்தியன் ஆயில் நிறுவனத்துடன் இணைந்து புழல் மத்திய சிறை, வேலூர் மத்திய சிறை, கோவை, பாளையங்கோட்டை, புதுக்கோட்டை உள்ளிட்ட இடங்களில் பெட்ரோல் நிரப்பு நிலையங்கள் ஏற்படுத்தன.

இந்நிலையில் இன்று தமிழ்நாடு முதலமைச்சர் புழல் சிறையில் அமைக்கப்பட்டுள்ள பெட்ரோல் டீசல் விற்பனை செய்யும் நிலையத்தை கணொலி காட்சி மூலம் திறந்து வைத்தார். இந்த பெட்ரோல் டீசல் விற்பனை நிலையம் 24 மணி நேரமும் இயங்கும் என தெரிவித்துள்ளனர்.

இதேபோன்று திருவள்ளூரில் உள்ள தமிழ்நாடு மாசுக் கட்டுப்பாட்டு வாரியத்தின் 2.5 கோடி ரூபாய் மதிப்பீட்டில் புதிய கட்டடத்தை காணொலி காட்சி மூலம் திறந்து வைத்தார்.