மாவட்ட ஆட்சியர் தலைமையில் நலத்திட்ட உதவிகள்

திருவள்ளூர்: மாவட்ட ஆட்சியர் மகேஸ்வரி ரவிக்குமார் தலைமையில் மக்கள் தொடர்பு திட்ட முகாமில் 1,026 பயனாளிகளுக்கு ரூபாய் 53 லட்சம் மதிப்பீட்டில் நலத்திட்ட உதவிகள் வழங்கப்பட்டன.

திருவள்ளூர் மாவட்டம் திருத்தணியில் மாவட்ட ஆட்சியர் மகேஸ்வரி ரவிக்குமார் தலைமையில், ஆர்.கே. பேட்டை வட்டம் வீரமங்கலம் கிராமத்தில் மக்கள் தொடர்பு திட்ட முகாம் நடைபெற்றது. திருத்தணி சட்டப்பேரவை உறுப்பினர் பி.எம். நரசிம்மன் உட்பட அனைத்து துறை அலுவலர்கள் கலந்துகொண்ட இந்நிகழ்ச்சியில் துறைசார்ந்த நலத்திட்டங்கள் குறித்து அலுவலர்கள் விளக்கி பொதுமக்களுக்கு விழிப்புணர்வு ஏற்படுத்தினர்.

இதனையடுத்து ரூபாய் 53 லட்சம் மதிப்பீட்டில் 1,026 பயனாளிகளுக்கு தமிழ்நாடு அரசின் நலத்திட்ட உதவிகள் வழங்கி மாவட்ட ஆட்சியர் மகேஸ்வரி பேசுகையில், “அனைத்து தரப்பு மக்களுக்கும், குறிப்பாக கிராமப் பகுதிகளில் வசித்துவருபவர்களுக்கு அரசின் நலத்திட்ட உதவிகள் உடனுக்குடன் சென்றடையும் நோக்கில் தமிழ்நாடு அரசு கிராமங்களில் முகாம்களை நடத்தி பயனாளிகளுக்கு உதவிகள் செய்துவருகின்றது.

மாவட்ட மக்களின் நீண்டகால கோரிக்கையை நிறைவேற்றும் வகையில் திருவள்ளூர் மாவட்டத்தில் அரசு மருத்துவ கல்லூரி அமைக்க மத்திய அரசு அனுமதி வழங்கியுள்ள நிலையில், வரும் மார்ச் 8ஆம் தேதி தமிழ்நாடு முதலமைச்சர் எடப்பாடி பழனிசாமி பங்கேற்று புதிய மருத்துவ கல்லூரி பணிகளை தொடங்கி வைக்கவுள்ளார். முதியோர் உதவித்தொகை, 60 வயது கடந்த அனைவருக்கும் முதலமைச்சர் உத்தரவின் பெயரில் கால தாமதமின்றி விரைவாக வழங்கப்படும்” என்றார்.

இதையும் படிங்க:'கொடைக்கானல் அப்சர்வேட்டரி பகுதியில் தரமற்ற சாலை' - மக்கள் வாக்குவாதம்